AddThis Social Bookmark Button

Die Seisoen van Luister het 'n eie webtuiste!

Gaan na www.seisoenvanluister.co.za en lees meer oor die produkte, prosesse, bronne en luisterverhale wat die Seisoen van Luister die afgelope paar jaar geskep het.

PowerPoint en Word hulpmiddel

Die Seisoen van Luister voorsien elke week 'n PowerPoint en Word hulpmiddel vir gebruik saam met die fokusteks van die Leesrooster se Preekriglyne wat Bybel-Media in samewerking met Communitas uitgee.

Die uitgangspunte is die volgende:

  • Dit sluit direk aan by die Seisoen van Luister se kultuur, styl en metodiek.
  • Dit sluit direk aan by die Preekstudies met Liturgiese voorstelle gebaseer op die kerkjaar.
  • Dit gebruik visuele media en verhale om ‘n erediens-ervaring te skep waarin ‘n egte ontmoeting met God en mekaar kan gebeur.
  • Dit skep ‘n Familie-vriendelike toepassing vir die erediens.
  • Die projek word steeds met die heelhartige ondersteuning van Bybel-Media moontlik gemaak.
  • Daarom kan ons die PowerPoints en Word-lêers steeds gratis beskikbaar stel.
AddThis Social Bookmark Button

LuisterBuitebladChris van Wyk het besluit om sy Bybelskool.com materiaal beskikbaar te stel in die vorm van 'n stiltetyd boekie. Hy gebruik die gedeeltes wat deur die RCL se fokustekste voorgestel word, soos deur Communitas en Bybel-Media ingespan word. Dit is in pdf formaat sodat lidmate dit gedurende die week kan gebruik in voorbereiding vir die prediking vir dié gemeentes wat die leesrooster gebruik. Geniet. Dit is gratis.

Gaan na http://ngkerksomerstrand.co.za/stiltetyd-derde-kwartaal-2016-volgens-rcl/ om dit af te laai.

AddThis Social Bookmark Button

Laai hier die sleuteltekste vir die kerkjaar 2016 tot 2017 af.

Attachments:
FileBeskrywingFile size
Download this file (Sleuteltekste-2016-2017.doc)Sleuteltekste-2016-2017.doc 339 Kb
AddThis Social Bookmark Button

BelydenisvanBelharlogo-870

Pinkstertyd is tradisioneel inkeertyd, luistertyd, omkeertyd. Ons verwag en bid dat die Here met ons sal werk en ons sal omvorm tot bruikbaarheid in ons aanbidding, ons onderlinge gemeenskap en in ons diens en getuienis in die wêreld. 

Die NG Kerk familie stap tans doelgerig 'n pad met die Belydenis van Belhar (Belhar). Dit het daarom groot waarde dat ons almal saam met mekaar fokus op die perspektiewe uit hierdie belydenis wat in ons familiekring gebore is.

Die nasionaal Verenigde Diensgroep vir Diens en Getuienis van die NG Kerkfamilie is van verskeie kante versoek om vanjaar se Pinksterreeks saam te stel aan die hand van Belhar. In die aanbieding word ook verwys na bevestigende en verrykende gesigspunte uit die Heidelbergse Kategismus (HK) en die Nederlandse Geloofsbelydenis (NGB). In hierdie konteks word baie belangrike Bybelse waarhede in die oordenkings van ons elf medewerkers onderstreep. Ons hou hierdie waarhede soos baniere omhoog om onsself en andere te herinner aan lewensbelangrike klemme uit die evangelie vir ons geloofsuitdagings vandag. 

  • Uit die Woord en aan die hand van ons belydenisse leer ons die kerk behoort nie aan ons nie, maar aan die Drie-enige Here, wat ons uit al die nasies van die aarde saamroep. 
  • Ons leer ook dat ons as die liggaam van Christus sigbaar een is, dat ons waarlik met die Here en mekaar versoen is en ook só behoort te lewe. 
  • Daarby leer ons ook dat ons Vader 'n hart vol ontfermende geregtigheid het vir mense wat ly, en wat in ons wêreld verstoot en verdruk word en dat Hy verwag dat ons soos Hy sal wees en maak. 
  • Ten slotte bely ons soos die eerste Christene weer saam dat Jesus die Here is en dat ons Hom gehoorsaam sal volg.

Tydens vanjaar se Pinkster dink ons saam na oor hierdie perspektiewe. Ons bid dat die Heilige Gees ons as voorgangers en biduurgangers almal innerlik sal verlig en gewillig en bekwaam sal maak om hierdie evangeliewaarhede te aanvaar en met oortuiging uit te leef, sodat die wêreld sal glo.

Laai die Preekriglyne in Word of Pdf formaat hier af

* Pinkster 2013 - Baniere vir ons geloofstryd (die hele reeks) 135 KB Download
* Baniere vir ons geloofstryd - in pdf formaat 397.93 KB Download
* Pentecost 2013 - Banners for our Battles of Faith 137.5 KB Download
* Banners for our Battles of Faith - in pdf format 403.72 KB Download
1. God drie-enig maak van ons God se Kerk, God se Liggaam, deur die Woord en Gees – Ef 1:1-14 (Xolile Simon) 33 KB Download
2. Christus maak ons een – Ef 2:11-22 (Christina Landman) 32 KB Download
3. Die nuwe verenigde gemeenskap in Christus versorg mekaar - 1 Kor 12:1-31 (21) (T Eric Ngema) 32 KB Download
4. Bely en beliggaam sigbare eenheid in die wêreld – as ons gawe en ons opdrag – Ef 4:1-16 (Colin Goeiman) 31 KB Download
5. Ons is versoen in Christus – 2 Kor 5:17-21 (Pieter Grove) 31 KB Download
6. As versoendes kyk ons nou na mekaar met nuwe oë – 2 Kor 5:11-16; 2 Pet 3:13 (André van Niekerk) 30.5 KB Download
7. Bely en beliggaam ware versoening oral – Kol 3:1-4:6 (Victor Pillay) 33 KB Download
8. Ons Here gee om – Luk 1:46-55 (Gustav Claasen) 31 KB Download
9. Ons Here herstel die reg –Luk 6:20-26 (Mary-Anne P v Huffel) 32.5 KB Download
10. Bely en beliggaam ontfermende geregtigheid – Jak 1:19-27 (Godfrey Betha) 31.5 KB Download

 

 

AddThis Social Bookmark Button

FOKUSTEKSTE 2012-13

Opmerkings

Siklus ten opsigte van tekste vir Koninkrykstyd

  • 2012-2013 – Jaar C – Koninkrykstyd oorspronklike tekste
  • 2013-2014 – Jaar A – Koninkrykstyd alternatiewe tekste in RCL
  • 2014-2015 – Jaar B – Koninkrykstyd oorspronklike tekste

Siklus ten opsigte van tekste vir Kersfees

Die RCL gee vir Kersfees drie stelle identiese tekste by Jaar A, B en C wat na goeddunke deur die gebruiker afgewissel kan word.  Die Preekstudie en Liturgiese voorstelle tekste volg die volgende siklus:

  • Kersfees  (proper) I – Jaar C
  • Kersfees  (proper) II – Jaar B
  • Kersfees (Proper) III – Jaar A
Attachments:
FileBeskrywingFile size
Download this file (Fokustekste 2012-2013.doc)Fokustekste 2012-2013.doc 111 Kb
AddThis Social Bookmark Button
Dit is van tyd tot tyd nodig om indringend na te dink oor prosesse en veral die uitkomste daarvan.  Ons nader die einde van die huidige kerkjaar, en dit is tyd om oor die toekoms van die Seisoen van Luister projek in terme van die PowerPoint en Word hulpmiddels na te dink.
 
Aan die een kant is ons nou al in die NG Kerk meer as 8 jaar hiermee op verskillende maniere besig.  Die oorspronklike visie van die Visionêre Taakspan dateer al van 2002 af. Van die uitkomste is die volgende:
  • Ons het 'n hermeneutiese model van besig wees met die Bybel gevestig: rus, hoor en leef.  Ons kan praat van 'n kultuur van luister wat hierdeur gevestig is.  Die impak daarvan strek baie wyer as net die PowerPoint en Word hulpmiddels wat ons beskikbaar stel vir leraars en gemeentes om af te laai.  Dit sluit onder andere in dat die luistersiklus baie wyd gebruik word in kleingroepmateriaal, en dat ons anders dink oor die liturgie.  Die luistersiklus het letterlik die liturgiese bewegings geword wat ons gebruik in eredienste.  Dit is 'n fundamentele transformasie van die manier waarop ons in die kerk werk.
  • Ons help volgens ons berekeninge tans elke week 'n 950 verskillende leraars en gemeentes met materiaal wat in eredienste en wyer gebruik word.
  • Die Seisoen van Luister hulpmiddels word in totaal gemiddeld 8 000 keer 'n maand afgelaai, 270 keer 'n dag.  Grafika onder.
  • Dit sluit na alle waarskynlikheid veral gemeentes in wat minder hulpbronne het, en gemeentes wat net een leraar of selfs net 'n ouderling-korps het wat eredienste lei.  Dit word egter natuurlik wyer as dit gebruik.
  • En dan het ons ook nog 'n tiental publikasies die lig laat sien, wat steeds wyd gebruik word.
  • Daarby bly die hermeneutiese proses 'n fundamentele vertrekpunt in die meeste van die nuwe ontwikkelinge, selfs in die kerkherenigingsgesprekke.
Aan die ander kant moet ons telkens dink:
  • Is dit nog effektief? 
  • Is dit volhoubaar?
  • Is die visie hier rondom nog 'n gedeelde een?
  • Is daar beter maniere om dit te doen?
  • Is daar ander maniere om dit te doen?
  • Gaan ons steeds hulpbronne hieraan bestee?  
  • Ons moet ook vra, is die regte mense nog daarmee besig?
Ons sal graag jou mening hieroor wil hoor - kort of lank.  Lewer dit sommer hieronder in die kommentaar ruimte.
 
 2010-2012