PowerPoint 18 September 2016

1Timoteus2 1-7

PowerPoint 25 September 2016

1Timoteus6 6-19

PowerPoint 2 Oktober 2016

Klaagliedere1 1-6

 

FE conference logo lrg-frontpage-transparent-190

Banier

Kommentaar

RSS

Soek in vorige Kruisgewyse

Wie's hier?

Ons het 11 gaste aanlyn

Besoekers

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterVandag125
mod_vvisit_counterGister107
mod_vvisit_counterHierdie week732
mod_vvisit_counterVerlede week908
mod_vvisit_counterHierdie maand3875
mod_vvisit_counterVerlede maand4374
mod_vvisit_counterAlle dae404846

Aanlyn (20 minute gelede): 4
Jou IP: 23.22.146.139
,
Today: Sep 30, 2016
AddThis Social Bookmark Button

KG-Julie-2016Die aarde is ’n plat skyf wat bo-op water lê. Gevaarlike water, want diep daar onder skuil die doderyk …. en vaar jy té diep die oseaan in, dreig die moontlikheid om af te val.
Die hemelkoepel bo is soos ’n tentdoek oor die hele aarde gespan en hou die groot, blou, goeie (hemelse) watermassa teë. Tot voordeel van lewe is daar sluise in die koepel met God as die Groot Waterfiskaal.

Dit was die antieke wêreld­beeld. Ons lees onder andere in die Ou Testament se slotboek daarvan: “Toets My of Ek nie die vensters van die hemel vir julle sal oopmaak en vir julle reën sal uitgiet, meer as wat julle kan gebruik nie” (Mal 3 vers 10).

Dit is asof God met die skepping God se twee almagtige hande plat teen mekaar gedruk het, hulle in oerchaos-waters ingesteek het, hande bol gemaak het terwyl vingerpunte en handpalms nog teen mekaar bly om die lewensruimte tussen die waters daar bo en die waters hier onder oop te druk ...

Die keuse vir ’n embleem van die Water Lewe-konferensie (11 tot 13 April 2016, Gariepdam) roep hierdie ou, Bybelse wêreldbeeld respekvol in herinnering. Uit die blou hemelkoepel val ’n druppel reënwater wat groenigheid laat voortspruit. Die lyne is sag, omdat water vloeibaar is en lewe broos.

Die drievlakkige skepping (onderwêreld, aarde en hemel) is lankal ontmitologiseer. In die plek daarvan word die bewese natuurwetenskaplike kennis omhels. Tog erken ons die misterieuse en soek ons taal en beelde om die feitelike aan te vul.
• Kan geloof- en wetenskaplike taal sáám gehoor word?
• Behoort teologie en ander vakkundige dissiplines om dieselfde tafel?
• Hoe praat die kerk oor regte (heilige) water?
• Behoort die kerk se betrokkenheid by water nie méér as biddae vir reën in te hou nie?
• Hoe reageer gelowiges op ’n knellende droogte?

Dit is uit vrae soos hierdie dat die Water Lewe-inisiatief gebore is.

In hierdie uitgawe van Kruisgewys word water veelkantig bedink:
• Die web van water as bron vir genesing (Cas Wepener)
• Die blou planeet? (Ernst Conradie)
• Volheid van lewe en water vloei saam (Daniël P Veldsman)
• Water in SA is min (Chris Jones)
• Water-kerklike uitdagings (Kobus van der Walt)
• NG Kerk steek hand uit en gee droogtehulp (Leon Venter)
• Die Winburg-watergebeurtenis wys God in aksie (Bertus Celliers)
• Kyk met pastorale bril na water (Johan Nel)

Op die webtuiste hier kan ook die volgende ekstra artikels gelees word:
• Benut Suid-Afrika se goeie waterwet (Floris Avenant)
• Waar water is, is lewe (André Bartlett)
• ’n Blou teologie? (Nadia Marais)
• Vroue sien die waternood (Anso Steyn)

AddThis Social Bookmark Button

NG Kerk Familie Vrystaat Boek

AddThis Social Bookmark Button

LuisterBuitebladChris van Wyk het besluit om sy Bybelskool.com materiaal beskikbaar te stel in die vorm van 'n stiltetyd boekie. Hy gebruik die gedeeltes wat deur die RCL se fokustekste voorgestel word, soos deur Communitas en Bybel-Media ingespan word. Dit is in pdf formaat sodat lidmate dit gedurende die week kan gebruik in voorbereiding vir die prediking vir dié gemeentes wat die leesrooster gebruik. Geniet. Dit is gratis.

Gaan na http://ngkerksomerstrand.co.za/stiltetyd-derde-kwartaal-2016-volgens-rcl/ om dit af te laai.

AddThis Social Bookmark Button

Laai hier die sleuteltekste vir die kerkjaar 2016 tot 2017 af.

Attachments:
FileBeskrywingFile size
Download this file (Sleuteltekste-2016-2017.doc)Sleuteltekste-2016-2017.doc 339 Kb
AddThis Social Bookmark Button

fotos

AddThis Social Bookmark Button

CLF stel weer 'n Pinksterreeks vir 2016 beskikbaar met die oorhoofste tema: Christus kom herstel ons menswaardigheid.  Die onderskeie preekriglyne sal binnekort in Afrikaans en Engels beskikbaar gestel word.

  1. Moenie iemand op die uiterlike beoordeel nie. Jakobus 2:1-9.
  2. Respek, ja, maar watter sort? Lukas 7:24-30.
  3. Respek is 'n belangrike aspek van redding. Lukas 7:24-30.
  4. Luister: Gebed as dialog met God. Markus 9:14-29.
  5. Luister mooi sodat mense Jesus kan vertrou. Markus 5:21-43.
  6. Liefhê: Die onwelkome gas. Lukas 7:36-50.
  7. Liefde maak heel en gee hoop... liefde plaas ons terug in die amp.  Johannes 21:8-19.
  8. Omarmende omgee. Matteus 8:1-14.
  9. Omarming - ter wille van die lewe, herestel en heelmaak van mense.  Matteus 9:18-26.
  10. Pinksterfees. "Die Gees van Christus maak ons 'n nuwe menswaardige gemeenskap." Handelinge 2:1-11.
AddThis Social Bookmark Button

vrystaat

 

 

 

 

Maandag, 11 April 2016
10:00 Registrasie
11:00 Opening André Bartlett (UP, Excelsus)
12:00 Pastorale Gesprek – Droogtes Johan Nel (UV, EPOG)
13:00 Ete
14:00 Water in die Erediens Cas Wepener (UP, Teologie)
15:00 Waterbronne en Bewaring Leon Tromp (LHWP - Katse Dam)
16:00 Hidrobreking Doreen Atkinson (UV, Ontwikkelingsteun)
17:00 Afsluiting André Bartlett (UP, Excelsus)
18:00 Ete
19:00 Plattelandse Show Olv Vernon Viljoen
Dinsdag, 12 April 2016
08:00 Ontbyt
09:00 Bybelstudie André Bartlett (UP, Excelsus)
10:00 Vooruitsigte vir Energie en Water Kobus van der Walt (NWU, Geografie)
11:00 Verversings
11:30 Grondwater in SA Danie Vermeulen (UV, Grondwater)
13:00 Ete
14:00 Bestuur van Water Johan van der Merwe (Bestuursforum)
15:00 Rentmeesterskap van Water Henry Jordaan (UV, Landbou)
16:00 Uitstappie na Gariepdamwal
19:00 Ete
Woensdag, 13 April 2016
08:00 Ontbyt
09:00 Bybelstudie André Bartlett (UP, Excelsus)
09:30 Watertenks (Prakties in Hydropark) Gideon van der Watt (NG Kerk Vrystaat)
11:00 Gemeenskap en Water Theo Oosthuyzen (NG Kerk Senekal)
12:00 Loots ‘n Water-Fotokompetisie (Volksblad)
12:30 Afsluiting André Bartlett (UP, Excelsus)
AddThis Social Bookmark Button

KG-okt-2015-coverHierdie Kruisgewys fokus op van die uitkomste van Kerklike Jeug en Geloof in Suid-Afrika, ’n multi-kerklike navorsingsprojek. Bybel-Media gee dit onder die titel Skokkend Positief in boekvorm uit.

Zander van der Westhuizen, leier van die projek, beskryf dit soos volg: “Die kerk wou vir ’n slag weer weet hoe lyk sy jongmense. Ons het amper alle kerke in die land op hierdie reis saamgenooi. Party het van die begin af nie kans gesien nie; ander het soos die enorme logistieke taak duidelik geword het, besluit dat hulle nie dadelik wil voortgaan nie. Hopelik sal hulle nog in die toekoms! Uiteindelik het ons met ’n paar van die Afrikaanse susterskerke geëindig. Dit was voorwaar ’n besondere belewenis om as kerke saam te werk. Ons het immers een saak gemeen: ons jeug!”

Die navorsing is gedoen met die kundige hulp van teoloë en statistici van die Universiteit van Pretoria sowel as die Departement Kommunikasiewetenskap van UNISA. Die uiteinde was dat amper 300 jongmense (ouderdom 16-35) 481 vrae beantwoord het. Dit het veral gefokus op profiel (wie is jy?) en persepsie (wat dink jy?). Die data wat hieruit onttrek is, is deeglik en omvangryk hanteer. Hulle het gehoop vir meer respondente, maar dit was vir die doeleindes van die navorsing genoeg, versprei oor die hele land en getrek vanuit meer as 82 gemeentes in drie denominasies.

Uiteraard kan hierdie navorsing nie ’n prentjie gee van “alle” jongmense in ons land nie. Die navorsing praat nie eers namens “alle” jongmense in die Afrikaanse kerke nie. Al wat die navorsing sê, is wat hierdie respondente sê. Maar wat hulle sê, dui vir ons ’n rigting aan. Of dit die rigting van “almal” is, kan ons waarskynlik nie bevestig nie. Maar hierdie was ’n belangrike eerste stap om plaaslike, wetenskaplike, verantwoordbare navorsing te doen, eerder as die internasionale projekte waarby ons kerke tans gereeld inval.

Die navorsers was met reg “geskok” oor die bevindings van die navorsing. Hulle het baie meer negatiwiteit verwag. Hulle was verbaas oor die groot positiwiteit onder jongmense. Vandaar die titel van die boek: Skokkend positief.

Beteken die uitslag van die navorsing dat die kerk rustig agteroor kan sit? Dat niks hoef aandag te geniet nie? Nee! Lees gerus die boek en jy sal waarskynlik baie hê om oor bekommerd te wees. Of, dalk maak dit jou wel ook rustiger. Want daar is baie om van kennis te neem. En baie om te verander.

Hierdie Kruisgewys sit ’n paar perspektiewe uit die navorsing op die tafel en probeer ’n gesprek oor ons jongmense aan die gang sit, met die hoop dat dieselfde met die volledige navorsing van die boek kan gebeur. Hierdie is dus net die begin.

  • In die artikel Die hoe, wat, waarom en wie beskryf Elnerine Greeff van die departement kommunikasiewetenskap van Unisa en die statistiese konsultante Chris Smit en Mike van der Linde van die Universiteit Pretoria die navorsingsproses.
  • In Oorwegend positief oor die kerk skryf Malan Nel oor die redes waarom jongmense die kerk so positief ervaar. Dit het veral te make met hulle kerkbegrip, die positiewe invloed van ouers en predikante, sowel as die belydenis dat die Here Jesus die Here en Verlosser van hulle lewe is.
  • Thinus van Staden brei in Gesinne en vriendskap sterkste invloed uit oor die rol wat gesinne in die geloofslewe van Suid-Afrikaanse jongmense speel. Om die waarheid te sê, dit wil lyk asof die invloed wederkerig is, dat die kerk ’n positiewe invloed op gesinswees het. Dit kan egter ook beteken dat die kerk gesonde gesinne aantrek, wat dit vir ander gesinne moeiliker maak om in te skakel.
  • In Hoe geloof en moraliteit saamloop skryf Albert Coetsee oor die verstommende positiewe korrelasie tussen hulle belydenis dat Jesus Christus hulle Here en Verlosser is en die belewenis dat dit die belangrikste verhouding in hulle lewe is. Dit is egter ook duidelik dat daar ’n groot behoefte aan toerusting is.
  • In Die stand van geloofsvorming in die kerk skryf Lyzette Hoffman oor die belangrike rol wat ouers in geloofsvorming speel. Dit is egter ook insiggewend watter groot rol predikante in jongmense se geloofsvorming speel. Preke asook kategese (veral belydenisklas) speel ’n belangrike rol in geloofsvorming. 
  • Zander van der Westhuizen werk in Wat sê jongmense oor seks en hulle geloof? op ’n sensitiewe wyse met die waarnemings uit die navorsing wat dui op ’n hoë premie wat op geloof in verhoudings geplaas word, ’n baie lae persentasie wat saamwoon, en seksuele gemeenskap wat eerder binne gevestigde verhoudings plaasvind as in informele verhoudings. Dit is ook duidelik dat ’n nuwe manier van praat hieroor gevind moet word.
  • In Die kerk en gemarginaliseerde jongmense met risikogedrag werk Christo Thesnaar en Jurie Joubert nie net met die resultate van die ondersoek nie, maar met die uitdagings van die breër gemeenskap waarvan jongmense deel is. Die kerk het volgens hulle sonder twyfel ’n rol binne die publieke domein te speel – wat die onderwyssisteem insluit. Die kerk moet weer sy betrokke rol in die publieke domein ontdek en veral ook medeverantwoordelikheid aanvaar vir wat in die publieke domein gebeur.
Attachments:
FileBeskrywingFile size
Download this file (Die hoe, wat, waarom en wie.doc)Die hoe, wat, waarom en wie.docElnerine Greef, Chris Smit, en Mike van der Linde38 Kb
Download this file (Oorwegend positief oor die kerk.doc)Oorwegend positief oor die kerk.docMalan Nel213 Kb
Download this file (Gesinne en vriendskap sterkste invloed op geloofsvorming.doc)Gesinne en vriendskap sterkste invloed op geloofsvorming.docThinus van Staden546 Kb
Download this file (Hoe geloof en moraliteit saamloop.doc)Hoe geloof en moraliteit saamloop.docAlbert Coetsee38 Kb
Download this file (Die stand van geloofsvorming in die kerk.doc)Die stand van geloofsvorming in die kerk.docLyzette Hoffman30 Kb
Download this file (Wat sê jongmense oor seks en hulle geloof.doc)Wat sê jongmense oor seks en hulle geloof.docZander van der Westhuizen35 Kb
Download this file (Die kerk en gemarginaliseerde jongmense met risikogedrag.doc)Die kerk en gemarginaliseerde jongmense met risikogedrag.docChristo Thesnaar en Jurie Joubert36 Kb
Download this file (KG okt 2015.pdf)KG okt 2015.pdfHele Kruisgewys uitgawe4077 Kb
Download this file (boekbekendstelling.doc)boekbekendstelling.docSkokkend Positief bekendstelling30 Kb
Download this file (redakteursbrief.doc)redakteursbrief.docChris van Wyk31 Kb
AddThis Social Bookmark Button
AddThis Social Bookmark Button


Kruisgewys-Augustus-2015-voorbladHierdie Kruisgewys fokus op die onlangse opname van die National Church Life Survey (NCLS – Australië).

Hierdie vyfjaarlikse opname met 59 vrae gee ‘n oorsig (“snapshot”) van die gemeentelewe deur die bril van gereelde kerkgangers. Dit is ontwerp om gemeentes te ondersteun om hulle sterkpunte te identifiseer sodat hulle daarop kan bou en dit met goeie hulpmiddels van NCLS ondersteun.

Benewens die tendense wat met die gereelde deelname aan die ondersoek onderskei kan word, gee dit nege maatstawwe waaraan gemeentes en denominasies hulleself kan meet. Die navorsing dien daarom ook as ‘n bruikbare oorsig vir gemeentes en hulle leiers om in strategiese beplanning te gebruik.

Vyf denominasies in Suid-Afrika vorm nou reeds deel van die ondersoek: die NG Kerk, die Verenigende Gereformeerde Kerk (VGK), die Nederduitsch Hervormde Kerk (NHK), die Uniting Presbyterian Church in Southern Africa (UPCSA), en die Sewendedag Adventiste Kerk (SDA).

Vir die NG Kerk is dit ‘n baie nuttige uitbreiding van die Kerkspieël-navorsing wat reeds sedert 1981 gedoen word. Hulle het reeds in 2006 deel van dié ondersoekmetodiek geword. Dit het die voordeel dat daar nou al drie ondersoeke is waarvan tendense ontleed kan word. Vir hierdie Kruisgewys werk ons egter net met die 2010- en 2014-ondersoeke. Die 2006-ondersoek sal later ingetrek word.

Van die ander denominasies wat hieraan deelgeneem het en deel is van die Kruisgewys-gemeenskap, sal mettertyd ook ontledings van hulle eie opnames beskikbaar stel. Dit sal óf in die volgende uitgawes van Kruisgewys óf op die webtuiste by www.gemeentes.co.za geplaas word.

Omdat die resultate redelik omvangryk is, is daar net drie artikels in hierdie Kruisgewys.

  • Kobus Schoeman, projekleier, gee ‘n oorsig van die projek. Hy bespreek ook nege kernkwaliteite waarop die navorsing berus – interne kwaliteite (geloof, eredienste, gemeenskap), inspirasiekwaliteite (visie, leierskap, vernuwing) en eksterngerigte kwaliteite (diens, getuienis, inklusiwiteit).
  • Danie Mouton gee ‘n perspektief op die belangrikste praktiese vaardighede wat in die benutting van dié resultate in strategiese transformasie nodig is, veral met betrekking tot inspirerende leierskap.
  • Chris van Wyk gee ‘n kort opsomming van die belangrikste resultate van die opname as inleiding om self die resultate te kan beoordeel. Die fokus is op wat erediensbywoners van die NG Kerk waardeer en wat hulle verwagtings is.

Die res van Kruisgewys word gewy aan die bekendstelling van die belangrikste resultate wat ‘n bruikbare oorsigtelike (“snapshot”-) profiel van die NG Kerk se gereelde kerkgangers gee. Die res van die resultate kan hieronder afgelaai word.

‘n Besondere kenmerk van dié projek is dat al die gemeentes – ewekansig gekies – wat hieraan deelgeneem het, ook ‘n uitvoerige ontleding van hulle eie resultate kry wat vergelyk kan word met die profiel van hulle denominasie. Werkswinkels in dié verband sal in elke sinode gehou word. Daar is ook werkboeke van NCLS beskikbaar vir dié gemeentes om hulle daarmee te help.

Goeie nuus! Dr Ruth Powell van NCLS is bereid om ekstra gemeentes van alle denominasies in te sluit wat ter wille van hulle eie beplanning die opname nog hierdie jaar wil doen. Ons verwag dat ‘n hele aantal gemeentes dié aanbod sal wil gebruik ná hulle die resultate van die ondersoek in dié Kruisgewys gesien het. Stuur dus so gou as moontlik ‘n e-pos aan vir meer inligting. Moenie dit misloop nie!

Attachments:
FileBeskrywingFile size
Download this file (Boekbekendstelling - Skokkend Positief.doc)Boekbekendstelling - Skokkend Positief.docInsigte vanuit nuwe navorsing oor aktiewe Afrikaanse kerkjeug33 Kb
Download this file (Redaksioneel.doc)Redaksioneel.docGemeentelewe deur die bril van gereelde kerkgangers30 Kb
Download this file (Wat in gemeentes gebeur.doc)Wat in gemeentes gebeur.docKobus Schoeman34 Kb
Download this file (Praktiese vaardighede vir transformasie.doc)Praktiese vaardighede vir transformasie.docDanie Mouton37 Kb
Download this file (Waardering en verwagtings van erediensbywoners.doc)Waardering en verwagtings van erediensbywoners.docChris van Wyk49 Kb
Download this file (Snapshot of the DRC.pdf)Snapshot of the DRC.pdfNational Church Life Survey2443 Kb
Download this file (What you hope for and value.pdf)What you hope for and value.pdfNational Church Life Survey2485 Kb
Download this file (Change over time.pdf)Change over time.pdfNational Church Life Survey2496 Kb
Download this file (Leadership strengths of attenders.pdf)Leadership strengths of attenders.pdfNational Church Life Survey2469 Kb
Download this file (Faith - alive and growing.pdf)Faith - alive and growing.pdfNational Church Life Survey2450 Kb
Download this file (Kruisgewys Augustus 2015.pdf)Kruisgewys Augustus 2015.pdfDie hele uitgawe8908 Kb
Download this file (ChurchLifeProfile-ZANG000000-2014.pdf)ChurchLifeProfile-ZANG000000-2014.pdfDenominational Church Life Profile: Dutch Reformed Church 2014 - die volledige verslag5367 Kb
AddThis Social Bookmark Button

kg-mrt-2015-1Die kerk in Suider-Afrika is in ’n baie belangrike oorgangstyd in die geskiedenis van ons lande.

Aan die een kant is daar die opportunistiese misbruik van godsdiens, veral die Christelike geloof, deur politieke leiers soos in die verkiesing van 2014 in die RSA. Daar was ’n pastoor wat president Zuma seremonieel gesalf het en Romeine 13 op onverantwoordelike wyse misbruik het om volgehoue steun vir die ANC aan kiesers op te dring. ’n Mens wonder ook wat agter die Grieks-Ortodokse Kerk se resente verering van president Zuma sit, en of dit nie ook getuig van dieselfde tipe misbruik nie. 

Met hierdie soort van anneksasie van God vir ’n politieke doel en agenda, word nie net die integriteit van die Christelike geloof aangetas nie, maar kom die integriteit van God self in die spel. God word as ’t ware teen Homself verdeel in sy teenwoordigheid by en aanbidding deur ’n baie diverse groep gelowiges in ons lande.

Die gebeure rondom die afgelope Staat van die Nasie-toespraak van die president vererger hierdie onhoudbare situasie. Die blokkering van selfone, die inroep van die polisie om politieke opponente uit te sorteer en die mishandeling van parlementariërs, spreek van ’n direkte verontagsaming van die Christelike waardes van geregtigheid, menswaardigheid en versoening, soos in die onlangse kommentaar van die Moderatuur van die NG Kerk se Algemene Sinode uitgelig word (verklaring op die webtuiste beskikbaar). Kerke sal toenemend hulleself profeties móét uitspreek téén ie tipe waardes wat deur die presi­dent nagevolg word ten einde hulle integriteit te kan behou.

Aan die ander kant val kerke baie keer self vas in konflik oor sensitiewe en kontensieuse sake – gays, vroue in die amp, eenheid, belydenisse, menswaardigheid – en bemoeilik dit nie net die interne kerklike prosesse nie, maar ook die ekumeniese getuienis en dienslewering van die breë kerk van Christus in ons lande.

Daarby het dienslewering in Suid-Afrika ernstige uitdagings – elektrisiteit, water, munisipale bestuur, tenderprosesse – en dit bring konflik selfs tussen kerklike groepe wat met mekaar ’n pad moet stap. Slegte dienslewering kan moontlik die olie op die vuur wees van die kragte wat ons uit mekaar wil dryf, elkeen in sy eie klein hoekie.

Dit bly daarom ’n gestoei om die positiewe transformasiekragte in die publieke debat en in die kerklike gemeenskap aan die gang te kry.

Ons het besluit om ’n paar leiersfigure uit verskillende kontekste te vra om vir ons ’n artikel te skryf oor hoekom hulle tóg hoop het vir die kerk in Suid-Afrika en waarin dié hoop lê. Ons wil uit verskillende hoeke kyk na dié dinge wat ons vorentoe kan neem, dié dinge wat nie net hoop gee nie, maar wat ons samelewing grondiglik kan transformeer.

Neels Jackson skryf in Die evangelie het nie brieke nie oor die hoop wat kom wanneer gelowiges betrokke raak by die armstes van die armes. Dit ontsluit die krag van die evangelie wat nie brieke het nie.

Leon Wessels skryf in Christokrasie of demokrasie? oor die grondwet se besker­ming van vryheid van geloof, wat ook beteken dat jy nie jou godsdiens in iemand se keel mag afdruk nie. Wedersydse respek ontlont die potensiaal van konflik en laat ons saam fokus op die waardes wat in die grondwet ons aan mekaar bind. Dáár moet die publieke stem van die kerk gehoor word.

Coenie Burger skryf in Solank ons hoop meer is as ons angs ... oor die insig van die sosioloog, James Davison Hunter, in sy boek “To change the world”. Ons moet nie fokus op die invloed van politici om dinge te verander nie, maar op die invloed wat ons as kerke op die kultuur van die land kan uitoefen. Gesprek en samewerking as “betroubare metgeselle” in die openbare sektor van skole en universiteite, die regspleging, die media, beroepsorganisasies, talle nie-regerings organisasies en die sakewêreld, kan ons wêreld grondig verander.  Daar is reeds ’n magdom verhale van gewone mense wat besig is om in hulle omgewings na ander in nood uit te reik. Dit is dié gawes van God wat hoop gee en die angs verdryf.

Mary-Ann Plaatjies-van Huffel skryf in Christus - die hoop van die wêreld oor die vertroue dat die kerk die wêreld kán transformeer. Ons hoef nie die wanhoop in die wêreld na te praat nie. Ons kán ’n verskil maak met die Christelike waardes van integriteit, barmhartigheid, medelye en nederigheid. Sy roep die kerk op om betrokke te raak in dade van diens aan mekaar en geregtigheid teenoor die ander. Jesus is steeds die hoop van die wêreld, al lyk die toekoms ook vir ons op die oog af uitsigloos.

Sam Dandala skryf in Transform from within dat ons van nature veran­dering haat, maar dat sonder transfor­masie, veral binne onsself in terme van ons houdings teenoor ander, daar geen vordering in ons land en verhoudings sal wees nie. Ons moet self die verandering wees wat ons graag wil sien.

Willem Pretorius skryf in Bure vir vuurslaners oor die praktiese maniere waarop Kameeldrif-gemeente by veldbrande in hulle gebied betrokke geraak het met water, bier, oogdruppels, hoofpynpille en energiestafies. Op hierdie manier het hulle verhoudings gebou met die gemeenskap en glo hulle dat deur hulle doen en betrokke wees, ander die Een sal ontmoet wat eerste gehelp het.

 

Attachments:
FileBeskrywingFile size
Download this file (redakteursbrief.doc)redakteursbrief.docChris van Wyk35 Kb
Download this file (Die evangelie het nie brieke nie.doc)Die evangelie het nie brieke nie.docNeels Jackson30 Kb
Download this file (Christokrasie of demokrasie.doc)Christokrasie of demokrasie.docLeon Wessels42 Kb
Download this file (Solank ons hoop meer is as ons angs.doc)Solank ons hoop meer is as ons angs.docCoenie Burger35 Kb
Download this file (Christus - die hoop van die wêreld.doc)Christus - die hoop van die wêreld.docMary-Ann Plaatjies-van-Huffel34 Kb
Download this file (Transform from within.doc)Transform from within.docSam Dandala25 Kb
Download this file (Bure vir vuurslaners.doc)Bure vir vuurslaners.docWillem Pretorius30 Kb
Download this file (kg mrt 2015.pdf)Kruisgewys Maart 2015Die hele dokument3898 Kb
Download this file (boekbekendstelling.doc)boekbekendstelling.docCas Vos se uitnodiging tot ’n moderne geloofsreis32 Kb

Kommentaar op toekoms van PPT en WORD hulpmiddels

  • Toekoms...
    Jy sal alle inligting kry by http://www.kontak.org.za/ Meer...
  • Toekoms...
    Suidkus wil graag aansluit met gemeentepakket van R2000. Sal ons van verskillende rekenaars met een wagwoord kan ingaa. Ek was lid by NOUS. Dankie fRANS kLOPPER Meer...
  • Toekoms...
    Ten minste kan jy dit raaksien! Die bydraes word nie gewoonlik deur ons oorgeskryf of geredigeer nie. Meer...
RSS